12 टक्के व्यापार
हौथींच्या वाढत्या सामर्थ्याने तांबड्या समुद्रातील व्यापारमार्ग आणि प्रादेशिक स्थैर्याचे गणित बदलले आहे. येमेनच्या भौगोलिक स्थानामुळे त्यांना बाब अल-मंदेब सामुद्रधुनीवर प्रभाव टाकता येतो. ही अरुंद जलवाहिनी तांबडा समुद्र, एडनचे आखात आणि सुएझ कालवा जोडते. जागतिक व्यापारापैकी सुमारे 12 टक्के व्यापार या मार्गातून जातो. तेल, द्रवरूप नैसर्गिक वायू आणि ग्राहकवस्तूंची वाहतूक येथे होते. जहाजविरोधी क्षेपणास्त्रे, बॅलिस्टिक क्षेपणास्त्रे आणि समुद्री ड्रोन वापरून हौथींनी व्यापारी नौकांची वाहतूक विस्कळित करण्याची क्षमता दाखवली आहे. या दबावामुळे जागतिक सागरी कंपन्यांना केप ऑफ गुड होपमार्गे जहाजे वळवावी लागतात. प्रवासात हजारो मैलांची भर पडते, पुरवठा साखळी उशिरा पोहोचते, विम्याचे हप्ते वाढतात आणि जागतिक वाहतूक खर्च चढतो. हौथी चळवळ 1990 च्या दशकात उत्तर येमेनमधील झायदी शिया पुनरुज्जीवनवादी धार्मिक चळवळ म्हणून उदयास आली.