आयसीएआरची देशव्यापी स्वच्छता मोहीम 6.0 सुरु

कृषी संशोधन व शिक्षण विभाग (डीएआरइ) आणि भारतीय कृषी संशोधन परिषद (आयसीएआर) यांनी 2 ऑक्टोबर 2026 रोजी गोवा येथे विशेष मोहीम 6.0 चा प्रारंभ केला. या मोहिमेअंतर्गत देशभरातील आयसीएआर संस्थांमध्ये व्यापक स्वच्छता आणि आरोग्य उपक्रम राबविले जाणार आहेत. या उपक्रमांमध्ये संस्था परिसर, गावे, रस्ते आणि पायवाटा स्वच्छ ठेवण्यासाठी श्रमदानाचा समावेश आहे. स्वच्छतेची भावना, सेवाभाव आणि स्वच्छ परिसरासाठी योगदान देणाऱ्या सफाई मित्रांचा सन्मान करणे हा या मोहिमेचा मुख्य उद्देश आहे. या मोहिमेचा प्रारंभ गोवा येथील आयसीएआर केंद्रिय किनारी कृषी संशोधन संस्थेत (सीसीएआरआय) झाला. याच संस्थेत श्रमिक सन्मान कार्यक्रम आयोजित करण्यात आला होता. या कार्यक्रमात केंद्रीय कृषी व कृषी कल्याण आणि ग्रामविकास मंत्री शिवराज सिंह चौहान यांच्या हस्ते सीसीएआरआयमधील सफाई मित्रांना शाल, पुष्पगुच्छ आणि भेटवस्तू देऊन सन्मानित करण्यात आले. संस्थेचा परिसर वर्षभर स्वच्छ ठेवण्यासाठी या सफाई मित्रांनी केलेल्या अमूल्य योगदानाची दखल घेऊन हा सन्मान करण्यात आला. केंद्रीय मंत्री शिवराज सिंह चौहान यांनी स्वच्छता ही सेवा 2026 उपक्रमातील सहभाग आणि प्रयत्नांची प्रशंसा केली. गोव्याचे मुख्यमंत्री प्रमोद सावंत यांनी देखील या उपक्रमाचे कौतुक केले.