पशुधनासाठी सातत्यपूर्ण अन्नसुरक्षा सुनिश्चित

शासकीय पडीक, गायरान आणि उपलब्ध जमिनींचा सुनियोजित वापर करून चारा उत्पादन वाढवणे, सुधारित चारा वाणांना प्रोत्साहन देणे आणि वैरणीच्या झाडांची लागवड वाढवणे यातून पशुधनासाठी सातत्यपूर्ण अन्नसुरक्षा निर्माण होईल. यामुळे पशुधनाचे आरोग्य आणि उत्पादकता टिकून राहण्याबरोबरच दुग्ध व्यवसायाचा खर्च नियंत्रित ठेवण्यास मदत मिळेल. विशेषतः दुष्काळ आणि पावसाच्या अनिश्चिततेच्या काळात चारा टंचाईवर तात्पुरती उपाययोजना करण्याऐवजी दीर्घकालीन व्यवस्था उभारणे, हे या कार्यक्रमाचे सर्वाधिक महत्त्वाचे वैशिष्ट्य आहे. स्थानिक पातळीवर वर्षभर पुरेसा आणि पौष्टिक चारा उपलब्ध झाल्यास पशुपालकांचे बाहेरील चाऱ्यावरचे अवलंबित्व कमी होऊ शकते.