भारतीय नौदल सराव यशस्वीरित्या पूर्ण

भारतीय नौदलाच्या आयएनएस सह्याद्री आणि आयएनएस कुलीश या जहाजांनी आसिआन भारत सागरी सराव (एआयएमइ) 2026 यशस्वीरित्या पूर्ण केला. फिलिपीन्समध्ये 'विश्वासाच्या नांगरावर, समुद्रात एकत्र' या संकल्पनेखाली आयोजित करण्यात आलेल्या या सरावामुळे सहभागी नौदलांमधील समन्वय आणि आंतरकार्यकारी पद्धतीमध्ये लक्षणीय सुधारणा झाली. उद्घाटन समारंभानंतर लगेच सुरू झालेल्या बंदर टप्प्यात प्रमुख अधिकाऱ्यांचा संवाद, खेळ, योग सत्रे, समुदाय संवाद आणि विषय तज्ज्ञांशी चर्चा यासारखे विविध उपक्रम राबवण्यात आले. यातून परस्परांसोबत चर्चा, कामकाजातील समन्वय आणि प्रत्यक्ष समुद्रातील तयारी यांचा समावेश होता, ज्यामुळे संबंध अधिक दृढ झाले. समुद्री टप्प्यात आयएनएस सह्याद्री आणि आयएनएस कुलीश यांनी मानवी मदत व आपत्ती निवारण, भेट-बोर्ड-शोध-जप्ती (व्हीबीएसएस) आणि संयुक्त सागरी सराव यांसारख्या महत्त्वाच्या कारवायांमध्ये सक्रिय सहभाग घेतला. या सरावामुळे प्रत्यक्ष कृतीमधील अनुभव वाढला. विशेषतः हेलिकॉप्टर सरावामध्ये एकमेकांच्या जहाजावर हेलिकॉप्टर उतरवणे, उभ्या रेषेच्या दिशेत मदत पुरवठा करणे आणि केसव्हॅक (वैद्यकीय गरजांसाठी रुग्णांना जहाजावर किंवा जमिनीवर हलवणे) यासारख्या कौशल्यांचा सराव करण्यात आला. यातून तातवेळी प्रतिसाद देण्याची क्षमता वाढली. या सरावामुळे सहभागी नौदलांच्या व्यावसायिक संवाद, कामकाजातील सहकार्य आणि समुद्रातील प्रशिक्षणांच्या संधी वाढल्या. यामुळे एकमेकांवरील विश्वास अधिक दृढ झाला आणि आंतरकार्यकारी पद्धत बळकट झाली.